童年陰影 - 天橋

喺好耐好耐以前
喺某一個車水馬龍既馬路口
起左一條天橋

我都唔記得
條天橋係木做定係鐵做
只係記得
條天橋每一格之間係空心既
幾歲大既陰雨
每次要上天橋時
都好驚會叉錯腳
一碌木咁插左落去

每次行天橋時
我都希望媽媽可以抱抱
等我可以唔駛咁驚
只可惜大多數時候
媽媽只係會抱阿細佬
就凈低我一個孤零零
嚇到鼻哥窿都無肉
眼淚水都標埋
同條天橋搏鬥...


後記
條天橋已經拆左十九幾年
但早幾個月喺無記某個播舊片既節目入面
我又見到果條天橋
童年陰影又曆曆在目
我好驚行差踏錯呀...