/

2009年2月27日

上網輔導員

今年財政預算案話要請上網輔導員,唔知係唔係呢隻呢?

2009年2月20日

浮誇

香港人D樓盤名真係越來越浮誇。

以前樓盤叫乜乜花園乜乜城,但近幾年D樓盤就叫君臨天下呀,曼克頓山呀(但在山卡罅地方),真係有咁誇得咁誇。除左中文名誇之外,好多樓盤仲要加個唔知係法文定意大利文定西班牙文既名,總知就係唔識讀啦。

最新仲有叫天壐,真係令人驚嚇。唔知幾時有個樓盤會叫天堂呢?

又,君臨天下D住客搭的士時講“唔該去君臨天下“時會唔會面紅或忍唔住笑呢?

2009年2月13日

崖上的Gucci

2009年2月8日

跑完啦!

跑完啦!跑完啦!

可能今年練習充足,加上唔係太熱,音語竟然跑出個人最佳成績,認真唔錯。

出年都要繼續努力,希望再跑快d。

2009年2月6日

準備就緒

已經係第五年參加喇. 今年既準備係前所未有既充足.

經過多月練習, 跑畢全程相信問題唔大, 但可唔可以跑得好成績音語信心就唔大. 練咁耐都加唔到速度, 都係盡力而為吧!

今日最後一節練習完成, 身體狀況尚算良好, 唯獨聽日有要事所以未必有充足睡眠, 加上天氣稍熱及潮濕, 希望影響唔會太大吧 (又或者可以跑得差比D野自己賴).

後日見.

2009年2月3日

止蝕

止蝕從來都係一個好困難既決定。

首先要擺脫心魔,接受自己最初判斷錯誤,入錯貨。其次要接受既係金錢上既損失。再加上旁人說三道四,同埋止蝕後可能會再升,呢個決定真係唔容易。

Robbie, 保重。雖然你已經離開我地,但希望你會在適當場合入波,助我地一臂之力。