小心間諜

同學K結婚, 邀請我做兄弟, 今晚一對新人邀請一班兄弟姊妹出黎食飯兼互相認識.

席上一位姊妹話我好面善, 閒談之下, 發覺原來細個大家住同區, 中學時代經常坐同一架巴士返學! 世界真係咁細!

佢仲話幾得當時我同另一個女仔經常一齊上車返學, 但其實果個其實係我細妹.

想唔到竟然咁樣俾人點相, 好彩細個無乜行差踏錯, 如果唔係今日都幾瘀. 不過似乎做乜野都係小心D, 因為原來間諜可能已經於附近徘迴...