勾梳成
（茶餐廳內）
陰雨：「伙計，唔該一個波蘿油餐吖，餐飲要茶走。」
（伙計A落單，然後將單送到廚房）
廚房伙計B大聲嗌：「喂！波蘿油賣晒喎！」
聽到伙計B大聲嗌的陰雨：「咦，無波蘿油？咁我唔食啦。」
不慌不忙的老板娘：「唔係，點會無波蘿油呀？（擰轉頭對伙計A）呀A，即刻響收銀機拎十蚊過隔離麵飽鋪買兩個波蘿油返黎！」
陰雨：「......」
後記：以上對話乃經改編的真人真事，陰雨對事頭婆的處變不驚及善用Outsourcing十分佩服，抵你發既！
2007年9月1日
訂閱：
發佈留言 (Atom)
7 嘉賓題字:
客路最緊要
嗯
我係呢,會諗下好唔好即走,自己過隔離買個菠蘿油算,平o的。
又唔係乜O野都可以「勾梳成」。
如你一心想去食間茶餐廳o既波蘿油，但係個事頭婆居然戇居居叫個伙計去隔離買，你會點睇?!
做生意要認清顧客心理才可以決定核心業務係乜。好多企業誤以為非核心o既業務，其實對d客黎講係有好大o既價值。好似之前好多企業都「勾梳成」o左佢o既售後服務出去，初頭確實慳到錢，但最終都係要攞番黎自己做，因為d CS得失曬d客，連銷售都影響埋。
所以個事頭婆咪醒囉! 封左條後路先嘛!
安兄所言非常正確，但我想指出一點係個事頭婆可以臨危不戀諗辦法變通呢點。
事頭婆好o野!
發佈留言