/

2007年9月9日

網聚

無啦啦我都有份去網聚。

最初喵喵邀請我時,我都有D猶疑,始終我同大家唔係咁熟,曾經有諗過揾個藉口推左佢 (例如香港人唔過九龍, 屋企十二點鐘會鎖門等等),但最尾都決定出席。

到達後發覺七友中部份已經相識,起初我其實幾擔心同大家唔熟好難插嘴,但傾下傾下又無乜問題,成晚氣氛唔錯。

只可惜我尋日由朝早六點幾一路直踩到夜晚十二點,所以到最尾已經身心俱疲。但在大家傾得咁高興情況下,我都可以支持落去無"lui"低。

雖然大家背景經歷都唔同,但多多少少都有一D共同觀點或生活體會。透過互相交流,我諗大家都有所得著,都學到D野。

尋晚真係幾開心,希望大家有緣再見。

8 嘉賓題字:

Old Cake 說...

聽到都覺得好玩喇! ^_^

北夫人 說...

其實當晚去到十一點幾我都有D眼瞓,所以都喁喁地,不過聽你地傾計都好開心!

下次真係要去唱K以證我沒有搵喵妹幕後代唱,哈哈

餅餅,你幾時番黎一齊玩呀?

Old Cake 說...

Meow,
希望下年一月左右可以返港喇! 唱K?一定到. 現場合唱好玩喎 hehe

程音語 說...

因住技安霸住支咪喎

Old Cake 說...

技安係咪你呀? haha

惡女 說...

「香港人唔過九龍, 屋企十二點鐘會鎖門等等」你試吓講呢啲爛理由你睇吓我炸唔炸鬼左你個扑!

期待眾人現場合唱,我要點唱「刻不容緩」。

程音語 說...

刻不容緩好呀,想當年係老餅同喵喵既第一個結晶品黎喎!既然係咁老餅要早D返黎開concert囉。

怒火眼睛 說...

唱k, 嘩