/

2007年12月3日

補選

既然上集講左區議會選舉,音語今日都要講埋下集立法會補選。

先講一下音語既投票往績。自九十年代中音語有資格投票後,音語只有兩次錯過投票 ﹣分別是去年的專業界別選委會及過去的區議會選舉。在過去這麼多次選舉中,音語從未投過任何政黨一票。音語的一票,只會投向沒有政黨的候選人身上或廢票,今次亦不例外。

今次選舉有八名候選人。四七大熱單Q音語是不會投的。其餘候選人有林超榮,道士先生,大律師,中國女排,細鬼及飄逸外藉人士,可謂盛況空前。

音語的一票本來是準備嚮應必媽及hana的廢票聯盟的,但可惜原來現在投票是用圖章。音語忘記帶筆,不能在選票上大書「揀唔落手」四個大字,所以神聖一票亦改為投與一位明確表明反對最低工資的候選人。

雖然音語明知除了四七單Q外其它候選人是沒有機會的,但音語對大熱單Q並無好感,亦十分討厭被人屈。難道不投七號就是不支持民主嗎?每次選舉都臨急抱佛腳去告急,總有一次是會狼來了的。

仲有音語亦好唔鍾意告急呢個詞語。好似小朋友好急要舉手告訴老師咁,無黎貴格。可唔可以用個好D詞彙呀?

值得一提的是音語由於是工聯會會員所以每次選舉都會收到他們的電話,相反音語從來未收過民主派的電話或sms. 或者在他們心目中我是不值得爭取的異類吧。

最後結果一如民意調查結果一樣大熱勝出,而這場鬧劇亦宣佈落幕。

8 嘉賓題字:

Hana 說...

好野!
你好堅!
好過某啲非男非女,撿唔落手都要撿,啃唔落至多唔食哩一餐,做人首先要對得住自己!自己係壹,家庭、社會等等都係零,冇咗臺,所有野都歸零。
係啊,我要話你丫!

易亦 說...

若要廢票還不簡單
任何不合規格的選票
自動被定為廢票
又何必在乎有筆無筆
反正又不是咨詢文件
寫了也沒有人看

當然如果寫是純粹為了舒一口烏氣
那也無不可

程音語 說...

絕對同意hana說法。

自己都顧唔掂就唔好顧人呀!

怒火眼睛 說...

呵呵, 我係咁cup 係咁cup, 好似小兒玩遊戲咁

米都話唔搞咯 說...

我冇得投,但都係認同你投左嗰個。

早幾日聽完曾局長嗰番話,更覺在香港投票係幾咁重要(縱使改變唔到啲咩)

七十樓危危下望 說...

咦我完全唔同意你呢篇喎

桃紅三點式 說...

其實呢篇我都好唔認同,但我之前忍住無回,我今日精神好,要寫一寫。

1.音語未有解釋點解只投畀獨立人士,我要講o既係,有政黨未必唔好,獨立人士也未必好。

2.我唔認同唔投七號就係等於唔支持民主,亦好肯定七號今次唔告急,輸梗。狼來了唔可怕,選民要告急先肯出黎投票才最可怕。

3.必須提醒的是,由於音語極有可能無參加任何跟民主派有關的組織,所以民主派根本無從入手向閣下拉票,即使有閣下的聯絡方法,民主派也不會有左派一樣的資源,打電話畀閣下。

就係咁。

Carole 說...

政治唔趕客
我只係想講獨立人士
都可能係隱形黨員
要小心d
我地嗰區好多