/

2008年2月17日

迷信

雖然好似好白痴,但有時想唔迷信都唔得。

音語發覺當我每次見到某樣野時,都會有不幸降臨。

本來呢d野應該係無乜科學跟據,但當一而再,再而三,同樣結果發生十幾次,你想唔迷信都唔得。

情況就好似買大細連開十鋪大,咁你仲敢唔敢買細?

有無人可以教我點樣破解呢個魔咒呀?

不過諗真d其實所謂科學跟據係乜呢?

好似有d科學家話飲㗎啡有害,但有d就話有益,個個都成大堆研究報告好似好有科學跟據,咁信邊個好呢?

會唔會其實音語既魔咒表面上雖然無乜跟據但其實係有,只不過係人類未領略到呢?即係好似蝴蝶效應咁呢?

無論點都好,都係呢句,有無人可以教我點樣破解呢個魔咒呀?

2 嘉賓題字:

易亦 說...

查實個魔咒係咩遮?
唔同既魔咒有唔同既解法架喎!
^_^

Derek 說...

係囉係囉