情人節
情人節是一個商業味很濃厚的"節日"。
如果公司多女仔而大部份都有收花的話，若果你無花收壓力都幾大。
音語今日非常繁忙，唔係太多覺公司好多人收花（一兩個卦，真係無乜留意...）
但今日音語竟然收到三粒朱古力仲有一件餅！真係喜出望外！
需知道日本女仔係習慣於情人節送朱古力比鍾意既男仔。如果男仔係有意思的話係會在三月十四回禮。
咁音語係唔係好威呢？
實情係，音語收到朱古力之中兩粒係同事大圍送比全公司男男女女既，件餅就係散水餅。
淨番一粒朱古力就真係淨係送俾音語架，都算巴閉卦?
咁究竟係邊個咁好淨係請音語食朱古力呢？
答案就係油站入油個呀嬸囉，仲有coupon送添呀，係咪好正呢？
5 嘉賓題字:
哈哈！阿嬸殺手
原來你情人節咁快樂呀？
日本人既習慣你都知？
咁你係咪準備係白色情人節果陣送返一粒朱古力比阿嬸呀？
^_^
尋日全公司得我一個有花收咋！仲要係情人親自送到門口！佢仲祝我年年有今日，歲歲有花收添！好開心呀呵呵
情人節已過，唔祝你happy valentine's day啦，祝你happy every day！！
易：緊係要回禮啦，難得有人請我食朱古力喎！
喵：Thanks very much! 我諗你有北北親身送花真係恨死全公司啦！
呢篇睇得好開心！
音語︰
第一個反應都同易亦一樣，如果你對阿嬸有意思，記得送返粒朱古力俾人啦！可能…coupon源源不絕！哈哈哈！
發佈留言