人數

六四燭光晚會, 主辦單位表示在維園有十五萬人參與, 尚有約五萬人入唔到場. 但警方運用超級電腦, 準確計算出入場人數為六萬二千八人, 多個唔多少個唔少.

大家都知主辦單位一定報大數而警方一定報細數. 根據音語運用超級人腦計算,將兩方面數字加埋除二, 相信有十一萬人參與呢個數雖不中亦不遠矣.

其實有幾多人入場根本唔緊要. 今年係音語第一次參與六四燭光晚會, 主要原因係憎突叟吹雞, 點可以唔去?

收到警方數字政府應該可以安心了. 七一遊行睇怕都係得六萬二千八人入場, 多個唔多少個唔少.