內有家鬼

車公真係應驗, 政府真係內有家鬼!

行政會議一早已經通過調低高級公務員工資。 但工聯會會長兼行政會議成員鄭耀棠竟然公開同政府唱反調, 表明不同意高級公務員減薪。 已往一直奉行既集體負責制, 睇怕已經早已不存在。

音語諗大家呢個時候都出黎抽水既原因係政府無能, 大家都想同佢d衰野畫清界線。 但身為行政會議成員即係政府內部核心, 應該幫政府。 作出決定後，大家都要尊重和維護決定。 今次鄭耀棠咁樣做即係唔跟大隊, 既然同政府意見相左, 理應好似2003年田北俊因決定不支持二十三條的草案三讀，辭去行政會議成員職位。

如果佢唔肯辭職, 憎突手應該發揮強勢炒左佢。不過音語就唔信佢真係咁有吉屎喇...