今屆奧運曲終人散，不知何故音語對比利時的跳高選手 Tia Hellebaut 非常著迷。
跳高賽事於閉幕前一晚舉行。賽前克羅地亞選手是大熱門，而賽事克羅地亞選手亦一直帶前，每跳都一躍而過。直至2.05米，Tia 第一跳便成功兼平個人最佳成積，相反克羅地亞選手則首跳失敗 - 此一跳亦成為了金銀牌的分野，Tia 幫比利時奪得今屆奧運唯一的金牌。
後來音語上網翻查資料，原來 Tia 本來是七項全能選手。但因為膊頭受傷不能擲標槍，所以改為專攻跳高。可能真是塞翁失馬吧。
到閉幕禮，音語赫然發覺 Tia 為比利時擔大旗手。Tia 真是實至名歸。
至於 Tia 有甚麼值得音語著迷？我想應該是她戴眼鏡跳高的英姿吧。
原來已經是二十四年前的事了.
那年可能是本港第一次電視直播，年少的音語每天都會在電視旁觀看奧運。
無數熟悉的名字，如 Carl Lewis, 許海峰，李寧，中國女排，Edwin Moses, Daley Thompson等, 音語都是從此屆奧運開始認識。
但在此屆奧運之後，一切都變得不同了。
今年書展有乜好介紹？緊係呢本啦！
今集書號乃紅出版Blogger 004 ， 封面係出至X.per.Xr 及 微軟詩人手筆， 內容係收錄渣蛇去年四月至今年五月作品，全書共260頁， 比上一集略少8頁。
最神奇係本書雖然比上集略少8頁，但可能係潮流興瘦身關係，本集竟然薄左約30％！
至於內容方面唔駛講緊係正啦。多謝渣蛇再賜書，音語會好似上次一樣，再買一本送俾知音人。
咪話音語唔通知，快手到書展買番本呀，蘇州過後無書睇呀！
原來香港人真係好愛國同愛憎突手。
早排習總訪港叫憎突手攪好奧運，為左表達我地既決心，幾萬香港人冒住日曬雨淋兼俾雷劈既危險，都要出黎排隊買奧運紀念鈔票。相信大家都係為左攪好奧運氣氛而並非炒買套利。
相反澳門就遜色好多啦。澳門政府竟然容許市民網上訂扣及俾澳門人優先購買，所以街上一D氣氛都無。
今鋪我地香港贏返鋪啦，Yeah!
死左一條魚，有乜理由中共會送多五條落黎，攪到依家有成九條咁多... 仲要逼鯊魚走添...
最初又話五條代表奧運五環，咁家下九條又代表乜呢？九章落地？
嗯，音語諗今鋪又係中共想跣憎突手一鑊，九條再有一條瓜左就要佢落台... 睇黎唔駛奧運閉幕我地康港都有新突手了。
講返逼遷，有無人幫下D可憐既鯊魚，為佢地爭取權益呀？咪話音語唔通知，就黎選垃圾會，眾候選人快D出手啦！
又，如果死左一條魚可以多得五條，咁死下死下香港咪遲早通街都係魚？？
