一個廣告點先算成功？
音語認為，一個廣告如果能夠使觀眾看後記得佢所宣傳既產品，應該都算成功。
古天樂呢個廣告都算係近期一個成功既廣告了。
雖然呢個廣告好騎呢，但佢好成功既係令人一睇再睇，仲會將呢個廣告forward比其他朋友，幫手宣傳。
我諗依家無乜人唔知Yokoyama輪胎係可以節能啦！
又，關於古天樂既國語，音語相信係廣告既作者（好大機會係香港人！）特登配合而寫既。如果唔寫到好似粗口咁，又點會令咁多人幫手免費宣傳呢？
又，如果你係在音語仆呢到第一次睇到呢個廣告，咁一係你無乜朋友，或你d朋友太過正經。音語諗無論係那個原因都好，你都應該檢討下你自己交友方面啦！
音語仆既忠實讀者(如果有的話)應該記得音語個多月前曾經衰十一俾警方拉左罰款四百五十蚊.
其實當日音語以身犯險係要載人應考. 早兩日考試結果出左, 結果成績非常好. 145/150.
似乎相士之言話音語會惹官非, 宜破財擋災係講中左. 呢四百五十蚊真係money well spent.
六四燭光晚會, 主辦單位表示在維園有十五萬人參與, 尚有約五萬人入唔到場. 但警方運用超級電腦, 準確計算出入場人數為六萬二千八人, 多個唔多少個唔少.
大家都知主辦單位一定報大數而警方一定報細數. 根據音語運用超級人腦計算,將兩方面數字加埋除二, 相信有十一萬人參與呢個數雖不中亦不遠矣.
其實有幾多人入場根本唔緊要. 今年係音語第一次參與六四燭光晚會, 主要原因係憎突叟吹雞, 點可以唔去?
收到警方數字政府應該可以安心了. 七一遊行睇怕都係得六萬二千八人入場, 多個唔多少個唔少.
廿年前的一夜究竟發生乜野事, 相信三十歲以上既人, 無論左中右敢唔敢講都好, 都應該心中有數. 雖然倫伯已經轉呔, 但林振強先生既歌詞係唔會改變既. 正如下面呢句:
其情形na na na na na, 大家都知.
今日是敞仆兩周年紀念之日.
兩年來音語寫了202篇所謂文章, 大約有九成都係無乜內容, 只係音語自言自語之作.
本仆一向人流極少, 但竟然有26人在google reader 訂閱, 可謂異數.
寫仆兩年最大得著係認識了一眾仆友,其中部份更曾見面. 在眾仆友身上音語學了不少知識, 在此音語謹向眾仆友一一謝過.
在此兩周年之際, 音語特別準備一個特輯,希望眾仆友無論左中右都細心留意.
