一年容易又書展

今年書展有乜好介紹？緊係呢本啦！

今集書號乃紅出版Blogger 004 ， 封面係出至X.per.Xr 及 微軟詩人手筆， 內容係收錄渣蛇去年四月至今年五月作品，全書共260頁， 比上一集略少8頁。


最神奇係本書雖然比上集略少8頁，但可能係潮流興瘦身關係，本集竟然薄左約30％！

至於內容方面唔駛講緊係正啦。多謝渣蛇再賜書，音語會好似上次一樣，再買一本送俾知音人。

咪話音語唔通知，快手到書展買番本呀，蘇州過後無書睇呀！

萬眾一心

原來香港人真係好愛國同愛憎突手。

早排習總訪港叫憎突手攪好奧運，為左表達我地既決心，幾萬香港人冒住日曬雨淋兼俾雷劈既危險，都要出黎排隊買奧運紀念鈔票。相信大家都係為左攪好奧運氣氛而並非炒買套利。

相反澳門就遜色好多啦。澳門政府竟然容許市民網上訂扣及俾澳門人優先購買，所以街上一D氣氛都無。

今鋪我地香港贏返鋪啦，Yeah!

逼遷

死左一條魚，有乜理由中共會送多五條落黎，攪到依家有成九條咁多... 仲要逼鯊魚走添...

最初又話五條代表奧運五環，咁家下九條又代表乜呢？九章落地？

嗯，音語諗今鋪又係中共想跣憎突手一鑊，九條再有一條瓜左就要佢落台... 睇黎唔駛奧運閉幕我地康港都有新突手了。

講返逼遷，有無人幫下D可憐既鯊魚，為佢地爭取權益呀？咪話音語唔通知，就黎選垃圾會，眾候選人快D出手啦！

又，如果死左一條魚可以多得五條，咁死下死下香港咪遲早通街都係魚？？

兇兆

習總訪港，先有尋日奧運滙報會豆腐渣工程跌條喉落黎條條fing，再有今日家訪送禮比人跌爛左隻杯，莫非...

又唔見一百九十四大元！

前幾日信報網站開張，音語同怒火眼睛兩人都率先貢獻咗三百八十九元以優惠價訂閱一年。點知，今日音語竟然收到一個屬會既“內部”offer，可以超優惠價一百九十五元訂閱！當堂bea一聲！

不過算啦，都好難有本地報紙可以叫音語比錢上網睇喇，音語覺得係信報先值。況且音語上得網睇就唔會再買報紙，一年都慳唔少錢。

不過希望屬會第時有筍野早d down聲就好喇。