打和

經過連日升升升，音語組合今日終於接近打和點，係近幾個月黎第一次！

家下仲係於打和點徘徊，不過音語估過幾日都應該會跌返落去卦... 希望再比音語一個機會入市啦。

又，見今朝升得咁急升穿一百蚊音語今朝竟然一反自己原則賣些少長線組合內既388套現。希望今次唔好做明燈，賣完仲狂升啦。

衰 十一

定額罰款交通罸行第十一條 在禁區內駕駛 罰款四百五十元

今日要到一個陌生地方，竟然誤闖禁區，結果當然係罰款了事啦... 好彩唔使扣分。

相士話過今年音語會惹官非，又幾準喎。希望真係破財擋災啦。

又，警察叔叔非常好禮貌，唔好意思前唔好意思後，咁既服務態度，抵讚！

我國又一偉大設計！

繼鬚刨電話及電擊火機電話後，我國又一偉大設計！今次係天使魔鬼混合體，唉瘋加落機呀N95!



一個價錢兩個享受，你話係唔係超值？

大是大非

問埋哂d無關宏旨卻模糊焦點既疑問，
唔通就可以巔倒是非指鹿為馬？
見到呢d咁既大學生，
我慶幸我唔係港大畢業。

你永遠不會獨行

給希斯堡的死難者
二十年了
我們從未忘記
終有一天
你們會被平反
願你們安息
你永遠不會獨行

卡片

原來卡片既用途係咁大，可以做入息証明。

好，音語下次去銀行借錢都攞張卡片做入息証明先。如果銀行唔批我實向政府投訢。

又，香港真係越來越烏煙瘴氣，政府一再施政失誤，以往我地引以為豪既專業操守又越來越差，就黎無添呀。再係咁落去過多幾年分分鐘都唔可以叫做法治社會，仲衰過大陸。其實係唔係要認真考慮下移民呢？

禮儀師

確係一部好電影.

導演能夠把一個咁沉重既題材拍得咁淡淡然情感, 確係抵佢攞奬.

不過唔知音語係唔係冷血, 睇完部戲音語最想做既竟然係

想
食
K
F
C
!

(有睇部戲既應該知點解卦...)