縱是驟晴驟雨儘管昏昏暗
今日報紙頭條,豪門爭權,大佬被撤去主席兼行政總裁職務。報紙強調改任非執行董事後,薪酬隨即大減,將由去年年薪 206萬元,減至每年10萬董事袍金。報紙筆調好似前主席俾阿媽罰,扣零用錢咁。但前主席真係靠年薪過活嗎?206萬元定10萬唔通對佢生活有分別嗎?我諗最大分別係10萬年薪唔駛交稅。
三年前今晚火鳥重生感動
呢兩日港澳兩地分別迎接火棒,香港再一次輸比澳門。首先澳門站的氣氛比香港不知好幾多倍:市民可以近距離面對速遞員。相反香港市民同火棒隔幾丈遠,真失敗!其次,澳門最年長速遞員何爵士老當益壯,自己跑唔駛人幫;相反香港之寶阿憎人大後生何博士十幾歲竟然要勞煩中南海保鏢推佢,真係令香港蒙羞呀...三來,人扒龍舟我地又扒龍舟,但火棒在香港竟然熄左兩次, 簡直係傷盡香港同祖國十三億七百萬人既心呀...唉,香港又輸...