/

2007年12月16日

再談補選

仲以為政治係票房毒葯無人鍾意睇,但估唔到去到今日七十同三點仲有興趣講,似乎音語想唔回應都唔得。

1.音語未有解釋點解只投畀獨立人士,我要講o既係,有政黨未必唔好,獨立人士也未必好。

我只投獨立人士既原因係因為覺得很多時政黨做事只為爭取選票。在一些小眾同意的議題上政黨十次有九次都會反對。例如音語反對最低工資,又有那個政黨敢無流失選票去反對呢?連為工商界的豉油黨及(扮)中產的公文袋都竟然讚成,音語又有甚麼好講呢?既然有獨立候選人反對最低工資,音語又有甚麼理由不投她一票?


2.我唔認同唔投七號就係等於唔支持民主,亦好肯定七號今次唔告急,輸梗。狼來了唔可怕,選民要告急先肯出黎投票才最可怕。

音語不太同意七號不告急輸緊。如果真係輸都係咎又自取。明明一早拋離幾十個身位,都可以不斷犯錯俾人追貼,如果真係輸,可以怪得邊個?最終贏四萬幾票我諗唔算贏得險卦?


3.必須提醒的是,由於音語極有可能無參加任何跟民主派有關的組織,所以民主派根本無從入手向閣下拉票,即使有閣下的聯絡方法,民主派也不會有左派一樣的資源,打電話畀閣下。

呢點絕對同意三點說法。


有人認為選七號就是支持民主而選四號就是助紂為虐,這點音語絕對不同意。甲之熊掌,乙之砒霜,有些人覺得黑白分明,有些人覺得是兩個爛橙揀一個,甚至有人真心覺得四號比七號實幹所以投四號一票。但音語就是揀唔落手。揀唔落手就寧願投俾一位和音語見解相同的候選人,即使她當選的機會是零。若明年她再出選,音語依然會投她一票的。

5 嘉賓題字:

思緒不靈 說...

其實反觀各次選舉,總會有告急的情況,但很多時都是有反效果的︰
1. 陳偉業於00年(好似係)告急,點知搞到李永達落選
2. 李柱銘於04年告急,最終搞到何秀蘭落選
所以告急真係唔係成日用

程音語 說...

我覺得告急應該係trumb card,如非必要係唔應該出既。郁d就出皇牌,總有一次到真係需要出皇牌先贏到時無人睬你既。

s-pig 說...

係狼來了既意思?

英倫肥龍 說...

有時好唔明, 點解有時好多人傾向選聖人咁? 老老實實, 講真, 莫講甲之熊掌,乙之砒霜, 到底都係覺得喺喺爛蘋果堆揀個無咁爛既作為代表. 又未至於話邊個比邊個民主, 邊個比邊個多負面消息...

不過我有個原則, 就係喺可以容納唔同聲音之前, 議會應該先有多啲唔同既聲音存在. 否則如果只係選應聲蟲了哥, 咁就不如索性唔投票好過. 我其實諗得好簡單, 假設喺議會所有尊貴都係為香港人謀求權利 (實際係點唔理), 不過當重覆聽到同一類聲音時, 其實未必係好事. 社會需要和諧, 不過討論又係另一回事. 唔同既聲音有時可能嘩眾取寵, 偏差, 但有時亦可以好有建設性有見地, 問題係出自咩人口中. 不過如果係真心推行任何政策, (容許)討論又有咩唔好呢?

就因為呢個原則, 咁我就決定出黎投票, 而且我唔係因為某某先投票. 而且,「告急」我已經領教過一次.

桃紅三點式 說...

好!

1.明白,即係音語o既投票意向係取決於政綱,而唔係因為政黨啦。收到!

2.-->「輸都係咎又自取。明明一早拋離幾十個身位,都可以不斷犯錯俾人追貼」
同意,我覺得佢一直都無盡力,佢對我嚟講,只係一個無咁爛o既橙。至於告急嗰度,早排好多網友寫過,我不寫了,反正不是關鍵。

-->「有人認為選七號就是支持民主而選四號就是助紂為虐」我對唔認同呢點。

謝謝回應啊,語兄!